Cümlə

Musiqidə ən kiçik quruluş; müəyyən kadensiya ilə yekunlaşır.

Cavab

Fuqada mövzunun ikinci dəfə keçirilməsi; dominanta tonallığında imitasiyası.
Cavabın növləri:
real cavab – mövzunun interval tərkibini dəqiqliklə təkrarlayır;
tonal cavab – mövzunun interval tərkibi dəyişikliyə uğrayır.
Cavab cümlə - periodun tam bitmiş kadensiya ilə yekunlaşan ikinci cümləsi.

Cüt (qoşa) tərkib

Simfonik orkestrin tərkibi; hər bir alətdən iki ədəd daxil edilir (2 fleyta, 2 hoboy, 2klarnet, 2 faqot və s. bu kimi).

Caz, caz orkestr, caz-band

(ing.) Orkestrin xüsusi növü. Birinci dünya müharibəsinin (1914-1919) əvvəllərində Amerikada yaranmış və tezliklə Qərbi Avropada yayılmışdır.
Adı – ilk ansamblın təşkilatçısı və rəhbəri Cazbo Brounun adından götürülmüşdür. Caz orkestr əsasən nəfəsli alətlərdən, o cümlədən, mis nəfəsli alətlərdən və saksofondan, zərb alətləri və royaldan ibarət olur. Bəzi halda solo skripka, akkordeon,gitara, banco və b. alətlər də bu orkestrə daxil edilir.