Səmədzadə Aygün

I
Azərbaycan, gözlərimin qarası,
Azərbaycan, ürəyimin parası.
Nə deyim ki, layiq olsun vəsfinə?
Ey Vətənim, anaların anası!
Azərbaycan, anaların anası!

Bir ağacsan, mən də sənə budağam.
Bir budaqsan, sənə yarpağam.
Bir nəğməsən, mən də hər an, hər zaman
О nəğməyə möhtac dodağam.

Nəqarət:
Torpağını geyinərəm əynimə,
Kür, Arazı axıdaram könlümə.
Xəzərimi məlhəm edib gələrəm, gələrəm
Ey vətənim, dəyən olsa könlünə.

II
Məğrur səsin azadlığın sədası,
Şəhidlərin ölməzliyin nidası,
Azərbaycan qalibiyyət dünyası,
İgidliyin sarsılmayan qalası,
Azərbaycan, anaların anası!

Bir ağacsan, mən də sənə budağam.
Bir budaqsan, sənə yarpağam.
Bir nəğməsən, mən də hər an, hər zaman
О nəğməyə möhtac dodağam.